ڈاکٹر محموداحمدی نژاد 1956ء میں شھر گرمسار شهرکےنزد یک
ایک گاؤں "ارادان " میں پیدا ہوئے ۔ ابھی ان کی عمر ایک
سال ہی تھی کہ ان کا خاندان تہران میں آ کر آباد ہو گیا ۔
انہوں نے اپنی پرائمری ، مڈل اور ہائی اسکول تک کی تعلیم
تہران میں ہی مکمل کی ۔ پھر 1975ء میں آپ نے یونیورسٹی میں
داخلہ کے حصول کے لۓ انٹری ٹیسٹ پاس کیا اور تہران کی
سائنس و ٹیکنالوجی یونیورسٹی( دانشگاہ علم و صنعت ) میں
سول انجینرنگ کی تعلیم شروع کی ۔
گریجوایشن کرنے کے بعد ماسٹر کے لۓ بھی آپ نے 1986ء میں
اسی یونیورسٹی میں اپنا تعلیمی سلسلہ جاری رکھا ۔ 1989ء
میں آپ Board of Civil Engineering Faculty کے ممبر بنے
اور 1997ء میں آپ نے transportation engineering and
planning میں پی ایچ ڈی کی ڈگری حاصل کی ۔
ڈاکٹر محمود احمدی نژاد انگریزی زبان جانتے ہیں اور اپنی
تدریس کے دوران انہوں نے بہت سے سائنسی مکالے لکھنے کے
ساتھ مختلف میدانوں میں تحقیقی کام سرانجام دیا۔ اسی دوران
ایم ایس سی اور پی ایچ ڈی کی سطح کے دسیوں طالب علموں کی
theses اور تحقیقاتی کاموں میں رہنمائی فرمائی ۔
اپنی تعلیم کے دوران ہی انہوں نے سیاست میں حصہ لینا شروع
کر دیا تھا اور اسلامی انقلاب سے پہلے ہی مذھبی اور سیاسی
جلسوں میں شرکت کیا کرتے تھے ۔ اسلامی انقلاب کی کامیابی
کے بعد یونیورسٹی میں ہونے کی وجہ سے آپ کا شمار علم و
صنعت میں اسلامک اسٹوڈنٹس سوسائٹی کی بنیاد رکھنے والوں
میں ہوتا ہے ۔ ایران عراق جنگ کے دوران آپ نے رضاکارانہ
طور پر جنگ میں حصہ لیا اور خاص طور پر انجینرنگ کے میدان
میں آپ نے اپنی خدمات انجام دیں ۔
ڈاکٹر محمود احمدی نژاد کے دو بیٹے اور ایک بیٹی ہے ۔
آپ کے کارنامے :
• ماکو کے گورنر کی حیثیت سے آپ نے خدمات انجام دیں ۔
• خوی کے گورنر رہے ۔
• صوبہ کردستان کے گورنر جنرل کے مشیر رہے ۔
• 1993ء میں وزیر ثقافت و آموزش کے مشیر رہے ۔
• 1993ء سے 1997ء تک صوبہ اردبیل کے گورنر جنرل رہے ۔
• 1989ء سے لے کر اب تک علم و صنعت یونیورسٹی کے سول
انجینرنگ کے سول انجینرنگ ڈیپارٹمنٹ کے ممبر رہے
• 2003ء سے 2005ء تک تہران شھر کے میئر رہے ۔
• 24 جون 2005ء کو اسلامی جمہوریہ ایران کے صدر منتخب ہوۓ
۔
اس کے علاوہ آپ مذکور عہدوں کے علاوہ مندرجہ ذیل امور میں
بہی فعال رہے ہیں۔
• آپ نے بہت سے سیاسی ،سماجی اور اقتصادی موضوعات پر مقالے
تحریر کیے۔
• آپ ایران کے مشہور اخبار ہمشہری سے وابسطہ رہے اور اخبار
کے لۓ گران قدر خدمات سرانجام دیں اور دوسرے مختلف اخبارات
کے راہ اندازی سہیم رہے جیسے ہمشہری محلہ ، ہمشہری مسافر،
ہمشہریجوان ہمشہری ماہ ۔
• ایران کی Tunnel Society اور سول انجینرنگ سوسائیٹی کے
رکن رہے ۔
• علم و صنعت یونیورسٹی میں اسلامک اسٹوڈنٹس سوسائٹی کی
پہلی مرکزی کمیٹی کے رکن رہے ۔ ایران کی Union of Islamic
Associations of University and Higher Education
Institutes کی پہلی مرکزی کمیٹی کے رکن رہے ۔