اس کے بعد صدر مملکت نے ہيوگو شاويز کے جانشين اور وينيزويلا کے عبوري صدر سے بھي ملاقات کي اور انہيں بھي اس سانحے کي مناسبت سے تعزيت پيش کي۔

صدر احمدي نژاد جب ہوگو شاويز کي آخري رسومات ميں پہنچے تو اس موقع پر وہاں موجود لاطيني امريکا کے سربراہوں نے ان کا استقبال کيا۔

وينيزويلا کي وزارت خارجہ کے بيان کے مطابق ہيوگو شاويز کي آخري رسومات ميں دنيا کے تنتيس ملکوں کے صدور، پچاس ملکوں کے وزرائے اعظم اور نائب صدور نے شرکت کي، جبکہ وينيزويلا کے دسيوں لاکھ لوگوں نے اپنے محبوب صدر کو اشک بار آنکھوں سے رخصت کيا۔

وينيزويلا کے سوگوار شہري نعرے لگا ر ہے تھے کہ شاويز زندہ ہيں اور ان کي جد وجہد جاري رہے گي۔ہيوگو شاويز کي سرکاري طور پر ادا کي جانے والي آخري رسومات کے موقع پر ان کے جانشين نيکولس مدورو نے کہا کہ ان کي ہميشہ يہ کوشش ہوگي کہ وہ ہوگو شاويز کے مشن کو مزيد آگے بڑھائيں۔

انہوں نے مزيد کہا کہ وہ ملک کے اس آئين کي ہر حال ميں پاسداري کريں گے جو ہيو گو شاويز نے عوام کي مرضي اور ووٹوں سے مرتب کيا تھا-

انہوں نے کہا کہ وينيزويلا ميں تيل کے عظيم ذخائر ہيں اس لئے تسلط پسند ممالک کي حريصانہ نگاہيں اس ملک پر لگي رہتي ہيں، انہوں نے کہا کہ امپرياليسم کے خلاف ملک کے عوام کي جد وجہد کو جاري رکھا جائے گا