صدر مملکت نے کہا کہ جب تک کوئي قوم بين الاقوامي سطح پر مؤثر واقع نہيں ہوگي وہ ہرگز اپنے حقوق کي جنگ نہيں لڑ سکتي-

انہوں نے کہا کہ اس جديد دور ميں تمام ممالک ايک عالمي نيٹ ورک کے ذريعہ ايک دوسرے سے جوڑے ہوئے ہيں لہذا يہ ممالک ناخواستہ طور پر بھي اکثر بين الاقوامي مسائل ميں ايک دوسرے پر اثر انداز ہو رہے ہيں۔

صدر احمدي نژاد نے کہا کہ اقوامِ متحدہ دنيا ميں امن و سلامتي کي بقاء کيلئے وجود ميں لايا گيا تھا ليکن اب يہ رفتہ رفتہ اپنے مقصد سے دور ہوتا جا رہا ہے۔

صدرمملکت نے کہا کہ وہ دورہ نيويارک کےموقع پر مختلف اديان ومذاہب کےنمائندوں، مختلف سياسي سماجي اورجنگ مخالف تنظيموں کےنمائندوں، امريکہ ميں مقيم ايرانيوں اور اقوامِ متحدہ کے سيکرٹري جنرل سے ملاقاتيں کريں گے۔

صدر احمدي نژاد نے اخر ميں کہا اسلامي جمہوريہ ايران اس مرتبہ غير وابستہ تحريک کے سربراہ کي حيثيت سے شرکت کر رہا ہے جس سے اس کي ذمہ داري دو چنداں ہوگئي ہے۔