يہ بات صدر احمدي نژاد نے آج منگل کو غير وابستہ تحريک کے وزراء کے اجلاس کے موقع پر مالي کے وزير خارجہ جناب جبرائيل باسولہ کے ساتھ ملاقات کے دوران کہي-

انہوں نے مالي کي عوام کو ايمان کے جذبے سے سرشار قرار ديا اور اميد ظاہر کي کہ مالي ماضي کي طرح ترقي کي راہ پر گامزن رہے گا۔

صدر ممکت نے کہا دشمن طاقتيں مالي کي ترقي اور پيشرفت نہيں چاہتے ليکن مالي کے باايمان اور غيور عوام تدبر اور درايت کے ساتھ تمام مشکلات پر قابو پاليں گے-

انہوں نے کہا کہ اسلامي جمہوريہ ايران آج تک مالي کے ساتھ تمام مشکلات ميں شانہ بشانہ کھڑا رہا ہے اور آيندہ بھي ہمارا يہ تعاون جاري رہے گا۔

صدر مملکت نے کہا کہ گزشتہ ايک عرصہ سے دونوں ملکوں کے سربراہوں کے درميان ملاقاتوں کا سلسلہ جاري اب و تاب کے ساتھ جاري ہے لہذا اميد ہے کہ ان ملاقاتوں کے نتيجے ميں دونوں ملکوں کے درميان اقتصادي، سياسي اور ثقافتي سطح پر تعلقات ميں استحکام پيدا ہو جائے گا-

انہوں نے کہا کہ اسلامي جمہوريہ ايران مالي کي ترقي اور پيشرفت کے حوالے سے ہر قسم کے تعاون کيلئے تيار ہے۔

مالي کے وزير خارجہ نے بھي غير وابستہ تحريک کے سولہويں سربراہي اجلاس کي ميزباني شائستگي کے ساتھ انجام دينے پر اسلامي جمہوريہ ايران کا شکريہ ادا کيا۔