اس تہنيتي پيغام ميں اس بات کي طرف اشارہ کيا گيا ہے کہ تينتيس روزہ جنگ ميں حزب اللہ کے جانبازوں نے صہيونيوں کا غرور خاک ميں ملا ديا اور غاصب صہيوني فوج کي ناک رگڑ کر ظلم و استبداد کي بنيادوں کو ہلا کر رکھ ديا جس کے نتيجے ميں حق کے طرفداروں کو عزت و سربلندي نصيب ہوئي اور باطل طاقتوں

اور انکے حاميوں کو ذلت اور رسوائي کا سامنا کرنا پڑا۔

صدر احمدي نژاد کے پيغام کا متن کچھ يوں ہے:

بسم‌الله الرحمن الرحيم

» اِن تَنصروالله يَنصُرکُم وَ يُثَبِت اَقدامَکُم «

محترم جناب حجۃ الاسلام و المسلمين آقاي سيد حسن نصر الله (حفظہ اللہ)

حزب اللہ کے سيکرٹري جنرل

السّلام عليکم و رحمۃ الله و برکاته

صہيوني طاقتوں کے خلاف حزب اللہ کي يہ تاريخي فتح؛ جو اللہ تعاليٰ کے خاص عنايات و توفيقات اور آپکي بابصيرت و مدبرانہ قيادت کي بدولت ميسر ہوئي-

ہم اس شاندار تاريخي فتح کي سالگرہ کي مناسبت سے آپکو دل کي گہرائيوں سے مبارکباد پيش کرتے ہيں۔ يہ کاميابي قوموں کي عزت و سربلندي اور سامراجي محاذ اور اس کے حاميوں کي رسوائي کا باعث بني

آج جب مزاحمت و استقامت کا يہ تنو مند درخت پھل دينے لگا ہے اور علاقے کي اقوام اس کے دلنشين پھلوں سے مستفيض ہورہي ہيں ايک با ر پھر قوموں کي نگاہيں مزاحمت و اسلامي بيداري کي جانب لگي ہوئي ہيں-

صدر مملکت نے صہيوني حکومت کي کمزور پوزيشن کا ذکر کرتے ہوئے کہا ہے کہ آج مکڑي کا گھر ہر دور سے زيادہ لرزے ميں ہے اور استقامت و مزاحمت کا محاذ ہر دور سے زيادہ طاقتور و استوار ہے -

صدر مملکت نے اس تہنيتي پيغام ميں مزيد کہا کہ اس جنگ ميں مزاحمتي قوتوں کے جانبازوں نے غاصب صہيوني حکومت کے ناقابل شکست رہنے کي جھوٹي ہيبت کا بت پاش پاش کرديا اور جارح فوج کي ناک رگڑ کر ظلم وستم کي بنيادوں کو ہلا کر رکھ ديا -