صدر احمدي نژاد نے آج منگل کو عراق کے اسلامي اعلي کونسل کے صدر جناب عمار حکيم کے ساتھ ملاقات ميں اس بات پر زور ديا کہ وقت کا تقاضا يہ ہے کہ خطے کے بدلتے حالات کا بين الاقوامي جائزہ ليا جائے اور ان حالات ميں جب استعماري نظام سرنگون ہو رہا ہے اور استکباري طاقتيں اپنے سامراجي اہداف کو جاري رکھنے کيلئے راستےميں حائل رکاؤٹوں کو دور کرنے کي کوششيں کر رہے ہيں؛ آزاد اور خود مختار ممالک انہيں عملي طور پرايسا کرنےسے باز رکھيں۔

صدر مملکت نے اس بات پر زور ديا کہ خطے کے ممالک کو ہوشيار رہنا چاہيے اور انہيں حقيقي آزادي اورعدالت کے حصول کيلئے پوري توانائي صرف کرني چاہيے۔

صدر احمدي نژاد نے مزيد کہا کہ سامراجي طاقتوں نے اسلامي جمہوريہ ايران کو ترقي اور پيشرفت سے روکنے کيلئے کسي بھي سازش سے دريغ نہيں کيا حالانکہ انہيں ايرانيوں کي طاقت کا اندازہ نہيں ہے، يہ اس بات سے بے خبر ہيں کہ طاقت اور دباؤ کے ذريعہ ہرگز ايرانيوں کو ترقي اور پيشرفت سے نہيں روکا جا سکتا۔

عراق کے اسلامي اعلي کونسل کے صدر جناب عمار حکيم نے تہران ميں " خواتين اور اسلامي بيداري" کے زيرِ عنوان تقريب منعقد کرنے پر اسلامي جمہوريہ ايران کا شکريہ کيا اور عراق کے مسائل پر تفصيلي رپورٹ صدر احمدي نژاد کے حوالےکردي-

انہوں نے کہا کہ خطے کو درپيش مسائل اور موجودہ بحران سے نکلنے ميں اسلامي جمہوريہ ايران بنيادي کردار ادا کر سکتا ہے، انہوں نے کہا کہ عراق کے اسلامي اعلي کونسل نے گذشتہ دو سالوں ميں ملک کي تعمير و ترقي کے حوالے سے بہتاہم اقدامات اٹھائے ہيں۔