صدر مملکت جناب ڈاکٹر احمدي نژاد نے پير کے دن علم و ٹيکنالوجي کے ميدان ميں ملک کيلئے اعزاز جيتنے والوں سے تجليل کے سلسلے ميں منعقدہ تقريب سے خطاب کے دوران اس بات پر زور ديا کہ ہميں بين الاقوامي سطح پر ملک کا نام روشن کرنے کيلئے مسسلسل محنت اور لگن سے کام لينا چاہيے-

صدر ڈاکٹر احمدي نژاد نے کہا کہ باصلاحيت افراد کي تربيت ايک خاص حکومتي ادارے کي ذمہ داري نہيں بنتي بلکہ ہميں معاشرے کي ايسي تربيت کرني چاہيے کہ باصلاحيت اور بااستعداد افراد خود بخود ابھرکر دکھي انسانيت کے کام آ سکيں۔

صدر مملکت نے کہا کہ دشمن طاقتيں ايک مرتبہ پھر اکھٹي ہو کر اسلامي جمہوريہ ايران کي تعمير و ترقي ميں رکاؤٹيں کھڑي کر رہي ہيں لہذا ہم باہمي اتحاد، يکجہتي اور تدبر کے ساتھ انکي ساري سازشوں کا مقابلہ کرناچاہيے-

صدر ڈاکٹر احمدي نژاد نے کہا کہ ہماري سابقہ تاريخ اس بات پر گواہ ہے کہ ہميں ملک کي پيشرفت اور ترقي کے حوالے سے جب بھي موقع ہاتھ آيا ہے ہم نے اس سے بھرپور فائدہ اٹھايا ہے اور آج ايک مرتبہ ہميں اپني پراني تاريخ دہراني ہوگي، ترقي کے راستے ميں حائل تمام زنجيروں کو توڑنا ہوگا اور علم و ٹيکنالوجي کے ميدان ميں گرانقدر اعزازات حاصل کرنے ہوں گے، مجھے اپنےجوانوں پر مکمل بھروسہ ہے کہ وہ پوري دنيا ميں اپني صلاحيتوں کا لوہا منوائيں گے اور ملک کو درپيش چيلنجوں کا بھرپور مقابلہ کريں گے۔

صدر مملکت نے کہا کہ علمي ميدانوں ميں ہميں ملک کے اندر بہترين ماحول فراہم کرنا چاہيے تاکہ علمي ميدان ميں کام کرنے کي تمنا رکھنے والے اپني علمي پياس بجھانے کيلئے بيرونِ ملک ہجرت کرنے پر مجبور نہ ہو جائيں اگرچہ مجھے خود بھي اس بات کا احساس ہے کہ ابھي بھي ہماري ترقي کي راہ ميں بہت زيادہ مشکلات اور رکاؤٹيں موجود ہيں ليکن مجھے اس بات کا بھي اندازہ ہے کہ ہماري نئي نسل کے جوان ملک کو درپيش چيلنجوں سے بھي بخوبي آگاہ ہيں لہذا وہ محکم عزم و ہمت کے ذريعہ پوري دنيا ميں اپنے ملک کا نام روشن کريں گے۔