ڈاکٹر احمدي نژاد کے پيغام کا متن کچھ يوں ہے:

بسم لله الرحمن الرحيم

موسم بہار اور عيد نوروز کي آمد پر امام زمان (عج)اسلامي انقلاب کے سربراہ آيۃ اللہ خامنہ اي (حفظہ ا۔۔۔) شہداء کے اہلِ خانہ اور تمام ايراني عوام کو مبارکباد پيش کرتا ہوں۔

گذشتہ سال ايران کيلئے نشيب و فراز کا سال تھا جس ميں اسلامي جمہوريہ ايران نے اقتصادي، صنعتي، سياسي، اور سائنس و ٹيکنالوجي سميت مختلف شعبوں ميں بے پناہ ترقي حاصل کي اور اللہ تعاليٰ کے فضل و کرم سے رواں سال انہيں مزيد فروغ ملے گا، اگر جائزہ ليا جائے تو گذشتہ سال ملک کے مختلف علاقوں ميں کئي ہزار ترقياتي پراجيکٹس کا افتتاح ہوا اور سائنس و ٹيکنالوجي کے ميدان ميں نئے ايجادات ہوئے، ہم نے اسي طرح آيندہ سال کيلئے بھي بہتر منصوبہ بندي تيار کي ہوئي ہے جس پر بہت جلد عمل درآمد شروع ہو جائے گا جس ميں داخلي سرمايہ داري اور ملکي صادرات پر خاص توجہ دي جائے گي۔

اور چند جملے عيد نوروز کي مناسبت سے کہنا چاہتا ہوں:

عيد نوروز انسانوں کيلئے عيد کا دن ہے اور عيد کا مقصد خوابِ غفلت ميں پڑے انسانوں کا اپني حقيقت کي طرف پلٹنا ہے، عيد کا مقصد نيک کاموں کي طرف رغبت اور برائيوں سے اجتناب سے بارے ميں تجديدِِ عہد کرنا ہے اور نوروز انسانيت کے بہار کا دن ہے۔

انسان اللہ تعاليٰ کا سب سے عظيم اور برترمخلوق ہے جو روئے زمين پر اللہ تعاليٰ کا جانشين اور خليفہ ہے، انہوں نے انسان کو لامحدود صلاحيتوں سے نوازا ہے، عقل، عشق، طاقت اور عبادت وغيرہ ايسي خصلتيں ہيں جن کے بل بوتے اعليٰ انساني کمالات حاصل کئے جا سکتے ہيں اور جن کي بدولت انسان روئے زمين پر اللہ تعاليٰ کا جانشين بن سکتا ہے، بہر حال انسانيت کي بہار انے والا ہے ہم نئے سال کے آغاز پر يہ دعا پڑھتے ہيں:

يا مقلب القلوب والابصار يا مدبر اللّيل و النهار يا محول الحول والاحوال حوّل حالنا الي احسن الحال، کمال و سعادت حاصل کرنا ہم سب کي آرزو ہے، اگر ديکھا جائے تو يہ سارے انساني کمالات انسانِ کامل ميں جمع ہو چکے ہيں جو اللہ تعاليٰ کے اسماء و صفات کا مظہر ہے پس معلوم ہوا کہ احسن الحال سے مقصود امام عصر (عج)ہے، وہي انسانوں کے عروج و کمال تک پہنچنے ميں تمام انسانيوں کيلئے ہادي اور رہنما ہے۔

آيئے مل کر اللہ تعاليٰ کي ياد اور امام عصر (عج)سے عشق و عقيدت اور اپس ميں پيار و محبت کے ساتھ اس نئے سال کا آغاز کريں۔