ڈاکٹر احمدي نژاد نے آج (اتوار)تہران ميں انڈونيشيا کے نئے سفير جناب "ديان دير بخوريت" کے ساتھ ملاقات ميں اس بات پر زور ديا کہ اسلامي جمہوريہ ايران اور انڈونيشيا کے درميان عرصہ دراز سے گہرے تعلقات چلے آئے ہيں اور انہيں مزيد وسعت دينے کي ضرورت ہے، انہوں نے کہا کہ ہميں باہمي تعلقات کو فروغ دينے کے ساتھ ساتھ عالمي مسائل ميں بھي ايک جيسے چيلنجوں کا سامنا ہے کيونکہ دنيا پر حاکم موجودہ نظام معاشرے کے تقاضے پوري کرنے ميں بري طرح ناکام ہو چکا ہے، لہذا اب ايک ايسے نئے نظام کو متعارف کرانے کي ضرورت ہےجس ميں تمام ممالک برابر کے شريک ہوں، اور اس سلسلے ميں ايران اور انڈونيشيا نہايت اہم کردار ادا کر سکتے ہيں۔

انہوں نے مزيد کہا کہ اگر چند سامراجي طاقتيں زبردستي پوري دنيا پر حکومت کرنا چاہيں تو يہ ہمارے لئے بالکل قابلِ قبول نہيں ہے کيونکہ ہم باہمي مشارکت کو دنيا کے تمام مشکلات کا حل سمجھتے ہيں اور يہ تب محقق ہوسکتا ہے جب پوري دنيا کو توحيد کے پرچم تلے جمع کيا جائے،صدرِ مملکت نے آخر ميں يقين دلايا کہ اسلامي جمہوريہ ايران عالمي سطح پر انڈونيشيا کے تمام اساسي اور بنيادي حقوق کي حمايت جاري رکھے گا۔

انڈونيشيا کے نئے سفير جناب "ديان دير بخوريت" نے اپنے سرکاري کاغذات ڈاکٹر احمدي نژاد کو پيش کرتے ہوئے اس ملاقات پر خوشي کا اظہار کيا اور عيدِ نوروز کي آمد پر تمام ايراني عوام کو مبارکباد پيش کيا،

انہوں نے کہا کہ دونوں ممالک مختلف شعبوں ميں بھرپور توانائي رکھتے ہيں اور مجھے اِس بات پرمکمل بھروسہ ہے کہ دنيا کي اقتصادي صورتحال خراب ہونے کے باوجود ہم باہمي تعاون کے ذريعہ موجودہ بحران پر قابو پا سکتے ہيں ، انہوں نے اميد ظاہر کي کہ ايران اور انڈونيشيا معاشرے کے موجودہ بحران کے حل کيلئے امن اور عدل و انصاف پر مبني اسلامي نظام کو متعارف کرانے ميں بنيادي کردار ادا کر سکتے ہيں۔