صدر مملکت ڈاکٹر محمود احمدي نژاد نے آج(اتوار) لبنان کے وزير دفاع فائز غصن اور ان کے ہمراہ ايران کا دورہ کرنے والے وفد سے بات چيت کرتے ہوئے کہا کہ: صيہوني حکومت برائيوں کي جڑ ہے اور اگراسے فرصت مل جائے اسلامي ممالک کو اپني دہشتگردي کا نشانہ بناتا ہے مگر اس کا خواب کبھي پورا نہيں ہو سکتا-

صدر احمدي نژاد نے خطے ميں اٹھنے والي سامراج مخالف تحريکوں اور انقلابات کي جانب اشارہ کرتے ہوئے يہ بات زور ديکر کہي کہ دنيا پر چند سامراجي طاقتوں کے تسلط کا دور ختم ہوگيا ہے اور دنيا منصفانہ اور انساني نظام کي جانب بڑھ رہي ہے- صدر نے ايران اور لبنان کے عوام کے درميان قائم ديرينہ تعلقات کا ذکر کرتے ہوئے کہا کہ دونوں ملکوں کے تعلقات ايمان اور محبت کے رشتوں پر استوار دائمي تعلقات ہيں-

صدر ڈاکٹر محمود احمدي نژاد نے کہا کہ اسلامي جہوريہ ايران اور لبنان ديرينہ تعلقات کے حامل ہيں جن ميں تاريخي اور ثقافتي تعلقات قابل ذکرہيں اور دونوں ملکوں کے تعلقات ہميشہ دوستي، مفاہمت اور باہمي احترام کي اساس پرقائم رہے ہيں ۔

لبنان کے وزير دفاع نے اس موقع پر صيہوني حکومت کے مقابلے ميں اپنے ملک کي حمايت کرنے پر اسلامي جمہوريہ ايران کے کردار کو سراہا-

انہوں نے کہا کہ لبنان کے عوام صہيوني دشمن کے مقابلے ميں ايران کي حمايت کو کبھي فراموش نہيں کريں گے اور ہميشہ ملت ايران کے ساتھ ساتھ رہيں گے-