انہوں نے کہا کہ ايران، پاکستان اور افغانستان ايک وسيع تاريخي ثقافت کے حامل ہيں جس کي بنياد انساني تمدن پر رکھي گئي ہے، ان کے عوام ہميشہ الٰہي اقدار کے بالادستي کيلئے سرگرمِ عمل رہے ہيں، ان کے آداب و رسوم سے اندازہ ہوتا ہے کہ انہوں نے ہميشہ ديني اور اخلاقي اقدار کي پاسداري کي ہے،مہمان نوازي اور شجاعت انکي فطرت کے ساتھ عجين ہيں

اس کے علاوہ تينوں ممالک کے عوام خود مختاري اور آزادي کے جذبے سے سرشار ہيں جسکي بدولت يہ ہميشہ سامراج کے خلاف برسرِ پيکار ہيں۔

صدرِ مملکت نے کہا کہ ہم پوري قوم کي نمائيدگي ميں اس اجلاس ميں شريک ہيں لہذا ہميں ان کے جذبات اور مطالبات کي قدر کرني چاہيے-

انہوں نے کہا کہ افسوس کي بات يہ ہے کہ ہم دشمنوں کي سازشوں کے نتيجے ميں فرقہ واريت اور اختلافات کے شکار ہيں حالانکہ ہم اللہ تعاليٰ کي نعمتوں سے مالا مال ہيں ، ہم قدرتي ذخاير، زراعت اور سب سے بڑھ کر انساني توانائي کے حوالے سے باہمي تعاون سے دشمن کے سارے فتنے خاک ميں ملا سکتے ہيں، ميرا خيال يہ ہے کہ تينوں ممالک کے درميان باہمي تعاون سے خطے ميں امن و امان کي صورتحال بحال ہو جائے گا، جس سے مزيد ترقي اور پيشرفت کے مواقع بڑھ جائيں گے۔

صدر ڈاکٹر احمدي نژاد نے مغربي اور استعماري ملکوں کي سازشوں کي جانب اشارہ کرتے ہوئے خطے کے ملکوں کي ہوشياري اور باہمي اتحاد کي ضرورت پر زور ديا- انہوں نے کہا کہ تنيوں ممالک ايران ، پاکستان اور افغانستان سہ فريقي تعاون کے دائرے ميں مشترکہ اہداف کو آگے بڑھانے کا پختہ ارادہ رکھتے ہيں-

اس اجلاس ميں اصف علي زرداري اور حامد کرزئي نے بھي تمام شعبوں ميں باہمي تعاون کي ضرورت پر زور ديا اور کہا کہ اپس ميں افہام و تفہيم سے خطے کے تمام مسائل حل ہوسکتے ہيں۔