ڈاکٹر احمدي نژاد نے آج (جمعرات)زرداري کے ساتھ ملاقات ميں کہا کہ ايران اور پاکستان کے درميان گہرے اور دوستانہ تعلقات ہيں اور ان کا سبب يہ ہے کہ دونوں ممالک کے درميان بہت پہلے سے گہرے ثقافتي اور تاريخي روابط پائے جاتے ہيں کہ حاليہ علاقائي اور بين الاقوامي مسائل کو مدِ نظر رکھتے ہوئے انہيں مزيد فروغ دينے کي ضرورت ہے، اميد ہے ہمارے درميان دوستي اور اخوت کا يہ رشتہ مزيد مستحکم ہو جائے گا۔

اس ملاقات سے پہلے اسلامي جمہوريہ ايران کے صدر ڈاکٹر محمود احمدي نژاد جب ايوان صدر اسلام آباد پہنچنے تو صدر زرداري اور وزير اعظم گيلاني نے ان کااستقبال کيا،اس موقع پر مسلح افواج کے چاق و چوبند دستے نے مہمان صدر کو سلامي پيش کي، دونوں ممالک کے قومي ترانے بھي بجائے گئے، صدرڈاکٹر محمود احمدي نژاد نے گارڈ آف آنر کا معائنہ بھي کيا. گارڈ آف آنر کي

تقريب کے بعد صدر محمود احمدي نژاد نے صدر زرداري سے ون آن ون ملاقات کي، جس ميں دوطرفہ تعلقات، ٹرانزٹ ٹريڈ، سرحدوں کي صورتحال، پاک ايران گيس پائپ لائن منصوبے سميت خطے کي صورتحال پر تبادلہ خيال کيا گيا. اس کے بعد وفود کي سطح پر بھي ملاقات ہوئي جس ميں مختلف امور پر بات چيت ہوئي دونوں صدور کے درميان ون آن ون ملاقات کے بعد وفود کي سطح پر دو طرفہ مذاکرات ہوئے۔ مذاکرات ميں دو طرفہ، علاقائي اور عالمي امور پر تفصيلي تبادلہ خيال کيا گيا۔