ڈاکٹر احمدي نژاد نے شام کے مفتي جناب مفتي بدرالدين حسون کے ساتھ ملاقات ميں اس بات پر زور ديا کہ آج عالمي معاشرہ گھمبير مسائل ميں جکڑا ہوا ہے اور دشمن مسلمانوں کے درميان فرقہ واريت کو ہوا دے رہي ہے، لہذا ان حالات ميں عرب ليگ کا استعماري پايسيوں کي حمايت کرنا شرم آور ہے، اگر تاريخ پر نظر دوڑائي جائے تو معلوم ہوتا ہے کہ سامراج نے خطے ميں اپنے تمام ترمنصوبوں کو انہي آلہ کار حکمرانوں کے توسط سے عملي جامہ پہنا يا ہے جو اقتدار اور ثروت کے نشے ميں مست ہيں،بہرحال تاريخ انہيں خيانت کار کے نام سے ياد رکھے گي۔

اس ملاقات کے ابتداء ميں ڈاکٹر احمد بدرالدين نے اسلامي جمہوريہ ايران کي جانب سے شام کي بھرپور حمايت پر ڈاکٹر احمدي نژاد کا شکريہ ادا کيا اور کہا کہ ايران کي خارجہ پاليسي پورے عالمِ اسلام کيلئے باعثِ عبرت ہے، انہوں نے مزيد کہا کہ جب اقوامِ متحدہ کے اجلاس کے خطاب کے دوران ڈاکٹر احمدي نژاد نے اپني تقرير محمدو الِ محمد پر درود اور امام مہدي(عج) کے ظہور کيلئے دعا سے شروع کي تو ميں نے اسي وقت جمعہ کے خطبے ميں کہا کہ ايراني صدر نے 1400 سال بعد رسول اکرم (ص) کا پيغام دنيا والوں کو پہنچايا ہے۔

اس ملاقات کے اختتام پرڈاکٹر بدرالدين نے قرآن مجيد کا ايک نفيس نسخہ صدرِمملکت کو پيش کيا۔