صدر مملکت ڈاکٹر محمود احمدي نژاد نے ايران کے ايٹمي سائنسدانوں کي ٹارگٹ کلنگ کو سائنس و ٹيکنالوجي کے ميدان ميں ملت ايران کي تيز رفتار ترقي و پيشرفت سے عالمي سامراج کي بوکھلاہٹ کي علامت قرار ديا اور کہا کہ حاليہ برسوں کے دوران سامراجي طاقتوں نے اپني ايران مخالف سازشوں کي ناکامي کے بعد ملت ايران کو جديد ترين ٹيکنالوجي تک رسائي سے روکنے کے لئے ايران کے ايٹمي سائنسدانوں کي ٹارگٹ کلنگ کا فيصلہ کر ليا ہے۔

ڈاکٹر محمود احمدي نژاد نے کہا کہ عالمي طاقتيں سائنس و ٹيکنالوجي سے متعلق ترقي و پيشرفت کو اپنے ساتھ مختص رکھنے کے لئے کسي بھي جرم سے دريغ نہيں کرتيں، اس طرح کي تسلط پسندانہ پاليسيوں سے مختلف ميدانوں ميں ترقي و پيشرفت کرنے پر مبني ملت ايران کا ارادہ مزيد مضبوط ہوگا۔

انہوں نے ان شہيدوں کو خراج عقيدت پيش کرتے ہوئے جو سائنس اور ٹکنالوجي کے ميدان ميں ايران کي ترقي و پيشرفت کي راہ ميں امريکا اور صيہوني حکومت کے ايجنٹوں کے ہاتھوں شہيد ہوئے ہيں ، کہا کہ ايران نے علم و دانش کو کبھي بھي سياسي حربے ميں تبديل نہيں کيا ہے بلکہ ايرانيوں نے انساني معاشرے کي ترقي کے لئے ہميشہ علم و دانش کو فروغ ديا ہے -