صدر ڈاکٹر احمدي نژاد نے کہا کہ يورپي ممالک کو تيل فروخت کرنے کي ايران کو ضرورت بھي نہيں ہے، ايراني قوم نے مغربي ممالک کي پابنديوں کے سائے ميں تمام شعبوں ميں شاندار پيشرفت حاصل کي ہے اور اس وقت ايران ترقي اور پيشرفت کي شاہراہ پر گامزن ہے۔ صدر احمدي نژاد نے کہا کہ بعض ممالک امريکہ کےہاتھ کا کھلونا بنے ہوئے ہيں اور ان ممالک کے حکام نے اپني قوموں کا وقار امريکہ کے ہاتھ ميں فروخت کرديا ہے اور امريکہ ان کے سياہ و سفيد کا مالک بن گيا ہے صدر احمدي نژاد نے امريکي حکومت کا مخاطب کرتے ہوئے کہا کہ امريکہ اسرائيل کو بچانے کے لئے شام کي حکومت کو گرانا چاہتا ہے کيا شام کي حکومت گرانے سے اسرائيل بچ جائے گا ؟

انھوں نے کہا کہ علاقائي قوميں اس وقت بيدار ہيں اور وہ علاقہ ميں امريکہ کے غلام اور مزدور حکام کو اچھي طرح پہچانتي ہيں اور ان کے خلاف نبرد آزما بھي ہيں۔ انھوں نے کہا کہ ايران کي مٹي سونے کي مٹي ہے اور ہميں يورپ کو تيل بيچنے کي ضرورت بھي نہيں ۔

صدر ڈاکٹر احمدي نژاد نے ايران کے خلاف يورپي يونين کي پابنديوں کي مذمت کرتے ہوئے کہا کہ عالمي طاقتيں گذشتہ تيس برس کے دوران ہميشہ ايران کي ترقي و پيشرفت سے خائف رہي ہيں کيونکہ وہ جانتي ہيں کہ يہ ترقي وپيشرفت ايران اور اسلامي انقلاب کو پوري دنيا کي اقوام کے لئے ايک نمونے ميں تبديل کردے گي- اسلامي جمہوريہ ايران کے صدر نے مغربي ملکوں کو خبردار کيا ہے کہ وہ ايران کے خلاف اپني مخاصمانہ پاليسيوں سے باز آجائيں -

اسلامي جمہوريہ ايران کے صدر نے علاقے کے عوام کو بھي مغربي ملکوں کي سازشوں کي بابت ہوشيار رہنے کي سفارش کرتے ہوئے کہا کہ مغربي ممالک ان پر تسلط جمانے کے لئے جمہوريت اور اس جيسے فريبي نعروں کا سہارا لے رہے ہيں - انہوں نے کہا کہ قوموں کي آزادي و خود مختاري اور ان کي عزت و شرف کے اصلي دشمن امريکا ، اسرائيل اور ان کے اتحادي ممالک ہيں -

اسلامي جمہوريہ ايران کے صدر نے علاقے ميں اسرائيل کے غاصبانہ وجود کے بارے ميں مزيد کہا کہ يہ حکومت اب نابودي کي سمت بڑھ رہي ہے اور اسرائيل کے ناجائز وجود کو باقي رکھنے کے لئے مغرب کي کوششوں کا کوئي فائدہ نہيں نکلے گا

انھوں نے مزيد کہا کہ ايران گذشتہ تيس برس سے امريکہ کو تيل نہيں فروخت کررہا ليکن اس کے باجود سربلند اور ترقي کي جانب بڑھ رہا ہے۔ صدر احمدي نژاد نے کہا کہ امريکہ اور يورپ خود اقتصادي مشکلات ميں پھنسے ہوئے ہيں لہذا وہ ايران کے لئے کوئي اقتصادي مشکل پيدا نہيں کرسکتے ہيں۔