ڈاکٹر احمدي نژاد نے ايلام ميں پرجوش عوامي اجتماع سے خطاب کے دوران کہا کہ استعمار نے بعض ممالک کو آلہ کار بنايا ہوا ہے وہ انہيں دوسروں کے خلاف استعمال کرنا چاہتے ہيں ليکن يہ بيچارے اس بات سے بالکل غافل ہيں کہ استعمار کھبي کسي کا دوست نہيں بن سکتا، انکا حقيقي دوست طاقت اور ثروت ہيں ، انہوں نے ہميشہ دوستي کے بھيس ميں دھوکہ ديا ہے، صدرِ مملکت نے کہا کہ سابقہ استعماري طاقتيں نئے شعار کے ساتھ پورے خطے کو اپنے زيرِ تسلط لانے اور اسرائيل کو تباہي و نابودي سے بچانے کيلئے جديد پاليسياں لاگو کرنا چاہتےہيں لہذا وہ ان اہداف تک پہنچے کيلئے بعض آلہ کاروں کو استعمال کر رہے ہيں۔

ايراني صدر نے کہا کہ استعماري طاقتيں بعض عرب ممالک کو ايک دوسرے کے خلاف اکسا رہے ہيں ليکن يہ لوگ اس بات سے غافل ہيں کہ اگر استعمار موجودہ ٹارگٹ ميں کامياب ہو جاتا ہے تو آيندہ انکي باري ہوگي ليکن افسوس کي بات يہ ہے کہ يہ لوگ استعمار کےساتھ ظاہري دوستي سے خوش ديکھائي ديتے ہيں اور بھر پور طاقت و توانائي سے دوسرے ممالک کے خلاف پروپيگنڈوں ميں مصروف ہيں۔

ڈاکٹر احمدي نژادنے کہا کہ تاريخ کا ايک آنوکھا لطيفہ ہے کہ بعض ايسے ممالک جہاں جمہوريت، آزادي اور انتخابات کانام و نشان تک نہيں ہے؛اکھٹے ہو کر ديگر ممالک پر پابندياں لگا رہے ہيں کہ انہيں شفاف انتخابات برگزار کرنے چاہيے

انہوں نے بعض ہمسايہ ممالک سے مخاطب ہو کر کہا کہ اگر آپ اس غلط فہمي ميں مبتلا ہيں کہ تيل کے پيسے سے اسلحہ خريد کر ہمسايہ ممالک کے باغيوں کو سپورٹ فراہم کرکے استعمار کے دل جيت سکتے ہيں تو يہ آپکي بھول ہے ، تمہيں شجاع اور باايمان قوم ايران سے سبق ليني چاہيے کہ گذشتہ 32 سالوں سے آپنے اعليٰ الٰہي اقدار کي پاسداري کرتے ہوئے دشمن کے مقابلے ميں سيسہ پلائي ديوار کي مانند کھڑا ہے۔